BARABARA YA JUU YAANGUKA NCHINI BRAZIL KWENYE MJI MWENYEJI WA MASHINDANO YA KOMBE LA DUNIA

Mtu mmoja  amethibitishwa kufariki Dunia na wengine zaidi ya 20 kujeruhiwa vibaya baada ya moja ya Barabara iliyokuwa kwenye matengenezo kukatika katika mji wa Belo Horezonte karibu na eneo lenye shughuli nyingi la Lagoa da Pampulha,nchini Brazil. 

Barabara hiyo ipo kilometa 3 kutoka Mineirao Stadium,uwanja uliotumika kwa mechi mbali mbali za kombe la dunia na utatumika kwenye nusu fainali ya Kombe la Dunia 2014.

   Barabara hii ilikuwa ni moja ya kiungo kinachounganisha uwanja wa mpira na uwanja wa Kimataifa  wa Ndege. Barabara hiyo ni mpango wa mbasi ya mwendo kasi ambayo ilisemekana ingekuwa tayari kutoa huduma wakati wa mashindano ya Kombe la Dunia.

 Maafisa wa kikosi cha uokoaji nchini humo wamethibitisha kwamba Dereva wa basi hili ndie aliefariki Dunia katika tukio hilo ambapo Barabara hiyo ambayo ni ya Juu (Fly Over) ilianguka kwenye mji wa Belo Horizonte.

Roli likiwa limekandamizwa na barabara iliyoanguka kwenye mji wa Belo Horizonte Julai 3,2014. 

(Picha zote kwa hisani ya Pedro Duarte / AFP/Getty Images)