Mashed potato with chicken ni chakula kizuri sana na radha nzuri, chakula hiki waweza kula wakati wowote na kinywaji chochote. Pia chakula hiki anaweza kula mtoto mdogo.
Mapishi: dakika 30
Mahitaji
- Kuku aliyetolewa ngozi tayari robo kilo
- Butter vijiko 2
- Pilipili manga kijiko 1 chai
- Nyanya 2
- Nyanya ya kopo kijiko 1
- Tangawizi iliyosagwa kijiko 1
- Viazi ulaya robo kilo
- Chumvi kijiko kimoja cha chai
- Kitunguu saumu kilichosagwa kijiko 1
- Kitunguu maji 1
- karoti 1
- Pilipili hoho 1
- Gram masala kijiko 1
Maelekezo
- Chemsha kuku, weka tangawizi, kitunguu saumu, mkamulie ndimu na chumvi. Hakikisha ameiva na supu imebaki kidogo.
- Toa nyama iweke kwenye chombo pembeni, tayari kwa kuliwa.
- Chukua sufuria, weka butter kijiko kimoja ikipata moto weka kitunguu maji, kitunguu saumu, pilipilipili hoho na karoti, koroga mboga ziive ila zisiive sana.
- Weka nyanya ikichemka, weka nyanya ya kopo na gram masala koroga mpaka uhakikishe nyanya vimeiva kisha ongeza maji kidogo, funika sauce ichemke kisha epua weka pembeni.
- Menya viazi, kata saizi unayotaka, weka supu ya kuku kidogo, hakikisha viazi vinaiva na havipondeki.
- Vikiiva epua, weka viazi kwenye bakuli au sufuria, weka pilipili manga, butter yenye chumvi na maziwa kwenye viazi.
- Anza kuponda viazi, viponde kwa mwiko au visage kwenye blender hakikisha visiwe uji, viwe kama ugali.
- Ukiona tayari weka pembeni.
- Chukua sahani pakua viazi, weka sauce na kipande cha kuku, hapo utakua tayari kujiramba.
No comments:
Post a Comment