Polisi waua watatu kwa madai ni majambazi

 

Watu watatu wanaodhaniwa kuwa majambazi wakiwa na bunduki  aina ya AK 47 wameuawa kwa kupigwa risasi na polisi katika kijiji cha Nyamakendo Wilaya ya Serengeti ikidaiwa waligoma kukamatwa.

Mkuu wa wilaya hiyo, Nurdin Babu amesema leo Ijumaa Juni 4, 2021 kuwa  tukio hilo limetokea leo alfajiri wakati polisi wakiwa katika operesheni maalum ya kuzuia na kupambana na uhalifu.

Huku akieleza kuwa watu hao waligoma kutii amri ya polisi ya kusimama amesema, “kwa ujumla walifia njiani wakati wanapelekwa hospitali kwa matibabu majina yao hayajajulikana.”

“Miili imehifadhiwa hospitali ya Nyerere polisi wanaendelea na uchunguzi kubaini kama ndio walihusika na ujambazi wa Mei 31 katika kijiji cha Gesarya ambapo mtu mmoja alipigwa risasi na mwingine kujeruhiwa na kupora zaidi ya Sh700,000 na simu.”

MWANANCHI: