Upelelezi wawakwamisha kina Kitilya

Dar es Salaam. Upelelezi wa kesi inayomkabili Harry Kitilya na wenzake wawili, Shose Sinare na Sioi Solomon katika Mahakama ya Hakimu Mkazi Kisutu bado haujakamilika.

Wakili Mwandamizi wa Serikali, Kishenyi Mutalemwa alidai jana mbele ya Hakimu Mkazi Mkuu, Wilbroad Mashauri kuwa kesi hiyo ilipangwa kwa ajili ya kutajwa.

Baada ya kutolewa kwa maelezo hayo, Hakimu Mashauri aliahirisha kesi hiyo hadi Januari 20, kwa ajili ya kutajwa ili kuangalia kama upelelezi utakuwa umekamilika au la.

Katika kesi hiyo, Kitilya na washtakiwa wenzake wanakabiliwa na mashtaka manane, likiwamo la utakatishaji wa Dola 6 milioni za Marekani