Kuandaa: dakika 20
Mapishi: dakika 55
Mahitaji
- Mayai 3
- Butter kikombe 1 iyeyushe
- Sukari vikombe 2
- Zucchini vikombe viwili (lipo kama tango ila siyo tango)
- Vanila vijiko 2 na nusu vya chai
- Unga vikombe 2
- Mdalasini vijiko 3
- Baking soda kijiko 1 cha chai
- Baking powder robo kijiko cha chai
- Chumvi nusu kijiko cha chai
- Korosho nusu kikombe vitwange au visage zivunjike vunjike ila unaweza tumia pia njugu, karanga, yaani jamii yoyote hata matunda ukitaka.
- Nutmeg kijiko 1 chai
Maelekezo
- Pasha oven nyuzi joto 200, kuchukoa chombo utakacho okea mkate kipake butter, hakikisha chote kimeenea mafuta kisha weka unga kidogo usambaze. Kiweke pembeni.
- Chukua zucchini, lioshe usilimenye kisha likwangue kwa kutumia kifaa cha kukwangulia karoti.
- Chukua bakuli, pasua mayai koroga,weka butter na sukari koroga mpaka sukari ilainike, weka zucchini na vanila endelea kukoroga kisha weka pembeni.
- Chukua unga weka mdalasini, nutmeg, baking soda, baking powder, chumvi na korosho.
- Changanya kwenye mchanganyiko wa kwanza. koroga mpaka uhakikishe vimechanganyikana vizuri vyote.
- Mimina kwenye chombo ulichokipaka mafuta na unga. Kisha weka kwenye oven na oka kwa dakika 40 mpaka 50, utoe upoe anza kujiramba na familia.
No comments:
Post a Comment