JELA KIFUNGO CHA MAISHA KWA KUMBAKA MTOTO WA MIAKA NANE.

Mahakama ya Wilaya ya Mpanda Mkoa wa Katavi   imemuhukumu Maiko Bundala (26) Mkazi wa Kijiji  cha Mnyagala Wilaya ya Mpanda kifungo cha maisha jela baada ya kupatikana na hatia ya kumbaka mtoto (8) na kumuharibu vibaya katika sehemu zake  za siri

Hukumu hiyo iliyovutia hisia za watu wengi wa Mji wa Mpanda ilitolewa hapo jana na Hakimu Mkazi Mfawidhi wa Mahakama ya Wilaya ya Mpanda Chiganga Ntengwa  baada ya kulidhika na ushahidi uliotolewa Mahakamani hapo wa upande wa mashitaka na utetezi.

 Awali katika kesi hiyo Mwanasheria wa Serikali Kulwa  Kusekwa alidai  mahakamani hapo kuwamshitakiwa alitenda kosa hilo hapo Machi  27 mwaka huu majira ya saa kumi na mbili jioni

Siku hiyo mtoto huyo aliyebakwa  alikuwa akicheza  katika  eneo la nyumba ya  mshitakiwa huku akiwa na watoto wenzake wa eneo hilo

 Alidai kuwa  ndipo Bundala  alipowatuma watoto waliokuwa wakicheza  na  mtoto aliyembaka  wakanunue pipi dukani na yeye alibaki na mtoto huyo

 Alieleza  kuwa baada ya kuona amebaki na mtoto huyo  alimwingiza ndani ya chumba chake  na kisha alimvua nguo kwa nguvu huku  na kisha alianza kumbaka huku akiwa amemziba mdomo  iliasipige kelele

 Katika ushahidi  alioutowa Mahakamani hapo mama wa mtoto aitwaye   Sofia  Masanja aliiambia Mahakama kuwa siku hiyo ya tukio mtoto wake alikuwa akicheza  katika eneo la nyumba ya mtuhumiwa huku akiwa na watoto wenzake 

 Alidai kuwa baada ya kuona  mtoto wake amechelewa  aliamua kumfuata alikuwa akicheza na wenzake  na alipofika kwenye  nyumba ya Bundala  alikuta wale watotowote  hawapo na alisikia mtoto akilia hivyo hakujua kama ni mtoti wake

 Alieleza kuwa baada ya muda mfupi mtoto wake  alirudi nyumbani huku analia na  alimweleza  Mama yake kuwa  Bundala amemuingizia sehemu zake za siri na amemuumiza  kwenye sehemu zake za siri hari ambayo ilimfanya mama wa mtoto huyo  kuanza kulia huku akielekea kwa  mtendaji wa Kijiji

Baada  ya kufikishwa kwenye   uongozi wa Kijji mshitakiwa  alikana kumbaka mtoto huyo   na ndipo walipoamua mshitakiwa  afikishwe katika kituo cha Polisi cha   Wilaya ya Mpanda

Shahidi  wa tano wa kesi hiyo ambae ni daktari  alidhibitisha Mahakamani hapo kuwa  vipimo alivyofanyiwa mtoto huyo vilionyesha kuwa mtoto huyo alikuwa ameingiliwa katika sehemu zake za siri na kuharibiwa

 Katika  utetezi wake Mahakamani hapo mshitakiwa  aliomba Mahakama imwachie huru  kwani yeye hakutenda  kitendo hicho isipo kuwa alikuwa  anakuwa akimdai fedha  mama wa mtoto huyo ndio maana  aliamua kumsingizia  kuwa amembaka mtoto wake

Baada ya utetezi  huo ambao ulipingwa vikali na   Mwanasheria wa Serikali  Kulwa Kesekwa  na aliiomba Mahakama itowe  itowe adhabu kali kwa mshitakiwa  kwani tabia ya kuwabaka watoto wadogo inaonekana kushamiri katika Wilaya ya Mpanda

Hakimu  Chiganga baada ya kuzisikiliza pande  zote mbili za utetezi na mashitaka  aliiambia Mahakama kuwa  Mahakama bila shaka yoyote  imetia hatiani mshitakiwa   kwa kosa  la kuvunja sheria  no 130(1)  (2)k na 131(1) cha kanuni ya adhabu  sura ya 16 marejeo ya mwaka 2002

 Hivyo kutokana  na kosa hilo  Mahakama imemuhukumu Maiko Bundala  kutumikia jela kifungo cha maisha jela  kuanzia jana