MICHEZO.MORO KIDS MABINGWA WA AIRTEL RISING STARS MOROGORO

NA MWANDISHI WETU, MOROGORO

TIMU ya Moro Kids imetwaa ubingwa wa mashindano ya soka ya vijana walio chini ya umri wa miaka 17 ya Airtel Rising Stars mkoa wa Morogoro, baada ya kuifunga Kihonda mabao 2-1 katika mchezo wa fainali uliochezwa jana katika Uwanja wa Shujaa mjini Morogoro.

Ushindi huo uliiwezesha Moro Kids kufikisha pointi sita wakifuatiwa na timu ya Tecfort iliyomaliza mashindano hayo ya mkoa wikiwa na pointi tatu.

Wakati huo huo Chama cha soka mkoa wa Morogoro (MOREFA), kimetangaza kikosi cha wachezaji 20 kitakachouwakilisha mkoa huo katika mashindano ya taifa yaliyopangwa kuanza Septemba 11 hadi 21 mwaka huu, katika Uwanja Karume, Dar es Salaam.

Katibu Mkuu wa MOREFA Emmanuel Kimbawala, amesema kikosi hicho kilichochaguliuwa wakati wa mashindano hayo ya Morogoro, kimeundwa na wachezaji wenye vipaji vya hali ya juu.

Mwaka huu mashindano ya Airtel Rising Stars yanajumuisha mikoa ya kisoka ya Ilala, Temeke, Ilala Mbeya na Mwanza kwa timu za wasichana na wavulana huku mkoa wa Morogoro ukishirikisha wavulana peke yake wakati Arusha ni wasichana pekee.