Magufuli-"Sina uhakika kama Lukuvi ataupata Urais, sasa ana miaka zaidi ya 60 maneno mengine yanaumiza lakini nataka niwaeleze mjitayarishe kisaikolojia

“Fanyeni kazi msiutafute Uongozi, vitu hivi vinapangwa, Mwinyi hakuutafuta Urais, Mimi sikujua kama nitakuwa Rais, sikuwahi kuomba hata Ujumbe NEC, Wajumbe walikuwa akina Lukuvi ila hakuupata Urais na sina uhakika kama ataupata Urais ana miaka zaidi ya 60”-JPM akiwa Ikulu Chamwino leo

“Lazima tuseme ukweli, Lukuvi ana miaka zaidi ya 60 ndio tukampendekeze awe Rais kweli?, maneno mengine yanaumiza ila lazima niwaambie mjiandae kisaikolojia na msipoteze hela zenu, hata wewe Kabudi huwezi kuwa Rais wa Tanzania wakati kuna Vijana kibao” -JPM

“Mzee Kikwete wakati anaondoka alisema hatoona Rais anayemzidi umri wake, angalieni Mimi nitakuwa na umri gani nikiwa na maliza ndio mjipime pale, yaani Malechela tumpendekeze awe Rais?, haiwezekani, kwahiyo Vijana wana nafasi zaidi za kuja kuwa Marais” -JPM

“Najua mmenyamaza (baada ya kuwaambia Wazee hamuwezi kuwa Marais), inawezekana umekaa na Jirani yako hapo ambaye atakuwa Rais ambaye ni Kijana zaidi, hii imemsaidia hata Hussein Mwinyi kushinda, Wapiga kura ni Vijana huwezi kuwapelekea Mzee sio saizi yao” -JPM