WAUMINI WA DINI YA KIISLAMU WAWATEMBELEA WAGONJWA, HOSPITALI YA PALESTINA

Waumini hao wakimjulia hari majeruhi wa ajali ya pikipiki alitelekezwa hospitalini hapo na rafiki zake.

Hapa wakimtembelea mgonjwa mwingine.
Waumini hao wakijadiliana kwa muda kabla ya kufanya dua kwa wagonjwa wote.

Waumini wa Dini ya Kiislamu kutoka Msikiti wa An nuru uliopo Sinza, Palestina jijini Dar mapema leo hii wamewatembelea wagonjwa waliolazwa kwenye wodi mbalimbali katika Hospitali ya Palestina na kujitolea kuwasaidia gharama za matibabu pamoja na kuwaombea dua.

Akizungumza na mwandishi wetu, kiongozi wa waumini hao aliyejitambulisha kwa jina la Mohammad Simba, alisema kuwa wamekuwa wakifika hospitalini hapo kila siku asubuhi kwa ajili ya kuwafariji wagonjwa kwa kuwanunulia mahitaji mbalimbali kwa fedha zao bila kupokea fedha yoyote kutoka kwa watu binafsi au wahisani.

Kwa mujibu wa Shekhe Simba, alisema kuwa utaratibu huo upo katika hospitali nyingine za serikali jijini Dar ikiwemo, Hospitali ya Mwananyamala na nyinginezo ambapo misikiti mbalimbali inayozizunguka hospitali hizo imejiwekea utaratibu huo kwa hospitali hizo ambapo zoezi hilo hufanyika kila asubuhi.

(Picha na Chande Abdallah)