TAARIFA KWA UMMA: MATARAJIO YA KUWA NA VIPINDI VYA MVUA KUBWA, UPEPO MKALI NA MAWIMBI MAKUBWA

Idara ya Utabiri wa Hali ya Hewa wametoa taarifa inayoonesha kuwapo kwa mvua kubwa na upepo mkali katika mikoa ya Dar es Salaam, Pwani, Unguja, Pemba nk. Utabiri huo ni kuanzia tarehe 11 - 13 Februari. Wanasema uwezekano wa kutokea ni asilimia 60.

Taarifa Na.	201402-01
Muda wa Kutolewa: Saa za Afrika Mashariki	Saa 11 Jioni
Daraja la Taarifa:	Tahadhari
Kuanzia: Tarehe	11 Februari, 2014
Mpaka: Tarehe	13 Februari, 2014
Aina ya Tukio Linalotarajiwa	1. Vipindi vya mvua kubwa (zaidi ya mm 50 ndani ya saa 24) 2. Hali ya Upepo mkali unaozidi kilomita 40 kwa saa pamoja na mawimbi makubwa zaidi ya mita 2.0
Kiwango cha uhakika:	Wastani (60%)
Maeneo yanayotarajiwa kuathirika	1. Vipindi vya Mvua Kubwa: Ukanda wa pwani mikoa ya Tanga, Dar es Salaam, Pwani, Lindi, Mtwara pamoja na visiwa vya Unguja na Pemba, Mbeya , Njombe, Ruvuma pamoja na kusini mwa mkoa wa Morogoro 2. Upepo Mkali na Mawimbi Makubwa: Pwani ya mikoa ya Tanga, Dar es Salaam, Pwani, Lindi, Mtwara pamoja na visiwa vya Unguja na Pemba
Maelezo:	Hali hii inatokana na kuwepo kwa kimbunga “FOBANE” kusini magharibi mwa Bahari ya Hindi. Mfumo huu unatarajiwa kuvuta upepo kutoka Pwani ya Somalia na misitu ya Congo kuelekea maeneo ya nchi yetu.
Angalizo:	Watumiaji wa bahari na wakazi wa maeneo hatarishi wanashauriwa kuchukua tahadhari.
Maelezo ya Ziada	Mamlaka ya Hali ya Hewa inaendelea kufuatilia hali hii na itatoa mrejeo pale itakapobidi

Imetolewa na
Mamlaka ya Hali ya Hewa Tanzania.