WANAFAMILIA WAWILI WAJERUHIWA VIBAYA NA CHUI, WAKIPAMBANA NAE BAADA YA KUINGIA KATIKA ZIZI LA NG'OMBE

TUNAOMBA RADHI KWA PICHA

Mkazi wa   Kijiji    cha  Katambike   Kata ya   Ugala  Wilaya ya  Mpanda   Njamili  Kalatasi   ambae   ameshambuliwa na   mnyama  Chui wakati  alipokuwa   akiokoa  ndawa wa  Ng-ombe aliyekuwa  amevamiwa  na  chui  huyo   Picha   Na  Walter  Mguluchuma katavi yetu Blog

 Na  Walter  Mguluchuma .

          Katavi yetu blog

WATU wawili wa familia moja ambao  ni wakazi wa kijiji cha Katambike
kilichopo katika Kata ya Ugala katika wilayaya Mpanda  mkoani Katavi
wamejeruhiwa  vibaya na chui  walipokuwa wakipambana nae  baada ya
kiungia ndani  ya zizi  na kuwashambulia ng’ombe .
Wanandugu  hao  wametambuliwa  kuwa  ni pamoja na Maiko Joseph (27) na
Njamili Karatasi (22) .
Akizungumzia  mkasa huo , Diwani wa Kata ya Ugala, Halawa Malendeja
alisema kuwa  lilitokea juzi ,  saa kumi na mbili alfajiri ambapo
mnyama huyo aliingia kwenye zizi la ng’ombe  nyumbani kwa Joseph Maiko
ambaye ni baba mzazi wa  wawili hao waliojeruhiwa na chui huyo .
“Baada ya chui  huyo  kuingia zizini alimshambulia ndama wa ng’ombe
akiwa katika harakati ya kuondoka na ndama huyo   ili akamle nje ya
zizi hilo …. Ndipo Njamila aliposikia purukushani hizo zilizomsukuma
atoe nje ya  nyumba alimokuwa amelala  na kwenda  kwenye eneo la tukio
 na kushuhudia  chui huyo  akitaka  kutoka  nje ya zizi hilo akiwa na
ndama huyo “ alieleza .
Aliongeza kuwa ndipo Njamili alipoingia zizini na kuanza  kumshambulia
 chui huyo kwa rungu … ndipo  mnyama huyo alipomwachia  ndama na
kuanza kumshambulia   Njamili ambapo alipooona ameziwa alianza kupiga
mayowe akomba msaada .
Inadaiwa kuwa  kaka yake Njamili aitwae maiko alimsikia mdogo wake
akipiga kelele akiomba msaada ndipo alipotoka nje  ya nyumba alimolala
 na kwenda  kwenye eneo la tukio  huku akiwa na ryngu mkononi .
“Maiko aliingia  zizini  na kuanza kumshambulia  chui huyo kwa rungu
ili kumuokoa mdogo wake ….. mnyama huyo  alimwacha  mdogo wake akiwa
tayari amemjeruhi vibaya  mkono wake wa kulia  uliokuwa ukivuja damu
nyingi  na  kumrukia Maiko  na kumuuma  shavu lakulia  na kumjeruhi
vibaya “ alieleza Malendeja.
Kwa mujibu  wa Diwani huo , Maiko licha ya kung’atwa shavuni na mnyama
 huyo alionesha ujasiri   mkubwa kwa kuikamata miguu  ya mbele ya
mnyama huyo na kuweza kumwangusha chini .
Diwani huyo aliongeza kuwa  , Maiko  akiendelea  kupambana na mnyama
huyo huku , mdogo wake , Njamili aliendelea kupiga  mayowe kwa kwa
nguvu zake zote ambapo majirani  walipozisikia walikimbilia  eneo la
tukio  na kufanikiwa kumuua chui huyo . 

Mwenyekiti wa    Halmashauri ya  Simbo  Raphael   Kalinga   alisema   Halmashauri  hiyo imepata taarifa za kutokea kwa tukio  hilo na  imetuma  wataalamu  wa  idara ya   wanyama pori  kwenda  kwenye  Kijiji  hicho..

Akizungumza  akiwa  amelazwa katika Hospitali  ya Manispaa  Mpanda,
Njamili  alidai kuwa chui huyo alikuwa dume  kwamba  licha ya
kumjeruhi sehemu mbalimbali za mwili wake lakini alimjeruhi vibaya
mkono  wake wa kulia .