Mfanyabiashara auawa na majambazi kwa risasi

Jeshi la Polisi mkoani Morogoro linawatafuta watu wawili wanaume wanaosadikiwa kuwa ni Majambazi kwa tuhuma za kufyatua risasi na kusababisha kifo cha kijana Godwin Salvatory umri haujafahamika na kupora shilingi 3.5 milioni pamoja na simu saba za mkononi.

Kaimu Kamanda wa Polisi mkoani hapa Leonce Rwegasira alisema hayo jana wakati kizungumza na waandishi wa habari mjini Morogoro ambapo alisema tukio lilitokea Agosti 8 mwaka huu majira ya saa 3,15 usiku huko maeneo ya Samaki samaki Kihonda Bima manispaa ya Morogoro.

Rwegasira alisema watuhumiwa hao wa ujambazi ambao hawajafahamika walitumia usafiri wa Pikipiki aina ya Boxer wakiwa na silaha aina ya bastola,walimvamia mfanyabiashara mkazi wa Kihonda Bima wakati akirudi nyumbani kwake kwa kumfyatulia risasi iliyomjeruhi na kumsababishia kifo Salvatory.

MWANANCHI: