Ajinyonga karibu na gereza la Isanga

 

Dodoma. Mkazi wa Bicha, Wilaya ya Kondoa, Amlan Mabata (54) amejinyonga katika mti iliopo karibu na gereza la Isanga mjini hapa.

Kamanda wa Polisi mkoani Dodoma, Lazaro Mambosasa amesema mwili wa marehemu umegundulika leo saa 12.00 asubuhi katika mti huo.

Amesema marehemu alikutwa na ujumbe kuwa amechoshwa na unyanyasaji wa hawara nyake ambaye ni askari wa gereza la Isanga anayejulikana kwa jina la Inspekta Sara.
“Alikutwa na ujumbe kuwa amechoshwa kunyanyaswa na hawara wake. Anadai wamejenga nyumba pamoja halafu yeye anamnyanyasa, akaamua kujiondoa
duniani,” alisema.
Alisema mwili wa marehemu huyo umehifadhiwa katika chumba cha kuhifadhia maiti cha Hospitali ya Rufaa ya Mkoa wa Dodoma.