Tanesco yapigwa marufuku kuingia mikataba na kampuni yeyote.

Rais Dk.John Pombe Magufuli amelipiga marufuku shirika la ugavi wa umeme nchini Tanesco kuhakisha haliingii mkataba tena na kampuni yoyote katika kukodisha mitambo ya kufua umeme na badala yake ihakishe  inajenga mitambo yake yenyewe ili kuweza kutoa huduma bora na kwa bei rahisi kwa wananchi wake.

Mh.Rais ameyasema hayo alipokuwa akiweka jiwe la msingi la ujenzi  wa kituo cha kufua umeme cha Kinyerezi ii  jijini Dar es Salaam ambapo amesema Tanzania imechezewa cha kutosha na sasa kilichobaki ni kazit tu.

 

Akitoa maelezo ya mradi huo mkurugenzi mtendaji wa Tanesco  Mhandisi Felchesmi Mramba amesema mradi huo utagharimu dola  za kimarekani milioni 344 na utakamilka ndani ya miezi 28.

 

Naye balozi wa Japan hapa nchini ambao ndio wafadhili wakubwa wa mradi huo amesema ujenzi wa mtambo huo ni muendelezo wa miradi mingini na mizuri baina ya Tanzania na nchi yake.

 

Baadhi ya wananchi walijitokeza kushuhudia uwekwaji wa jiwe hilo wamempongeza rais Magufuli kwa hatua hiyo huku baadhi ya wananchi wakionesha shauku kubwa ya kutaka  kusalimiana naye hatua  ambayo iligonga mwamba kutokana na walinzi wake kuimarisha ulinzi.

ITV.