MSHINDI WA UCHAGUZI WA URAIS TANZANIA KUJULIKANA LEO

2:20 pm Mwenyekiti wa Tume ya Taifa ya Uchaguzi Jaji Mstaafu Damian Lubuva asema matokeo ya majimbo matano yaliyosalia yatatangazwa leo jioni. Mshindi wa uchaguzi wa urais atakabidhiwa cheti cha ushindi kesho.

Usalama umeimarishwa katika ukumbi wa Julius Nyerere ambako tume hiyo imekuwa ikitangazia matokeo ya uchaguzi wa urais.

Image captionUsalama umeimarishwa karibu na jumba la kimataifa la mikutano la Julius Nyerere

12:30 pm Tume ya Taifa ya Uchaguzi yatangaza matokeo ya urais ya majimbo 34.

11.45am: Mgombea wa CHADEMA Edward Lowassa akatazwa kuingia katika jumba la matokeo ya uchaguzi ili kutoa pingamizi yake ya matokeo hayo.

11.30am: Ubalozi wa Uingereza nchini Tanzania pamoja na Ireland Kaskazini umetoa taarifa ukipinga kufutiliwa mbali kwa matokeo ya Uchaguzi kisiwani Zanzibar.

Ubalozi huo umesema kuwa hauoni sababu za kufutiliwa mbali kwa matokeo hayo ilhali waangalizi walifurahishwa na vile uchaguzi huo ulivyofanyika kwa amani.

Wameitaka tume ya uchaguzi Kiswani Zanzibar kuorodhesha matokeo hayo bila kuchelewa.

10.15am: Mgombea wa urais wa chama cha CHADEMA anayeungwa mkono na UKAWA Edward Lowassa wameelekea katika makao ya tume ya uchaguzi NEC kuwasilisha pingamizi yao kuhusu matokeo ya uchaguzi mkuu Tanzania. Baada ya kutoka huko wataelekea katika makao makuu ya UKAWA kuvihutubia vyombo vya habari.

Image captionUchaguzi Tanzania

11.00am: Maeneo ambayo matokeo yao yametangazwa na yale ambayo bado hayajatangazwa nchini Tanzania

10.00am: Kufikia sasa mgombea wa urais kupitia tiketi ya chama cha CCM John Pombe Magufuli anaendelea kuongoza katika kura zilizohesabiwa.

Image captionTume ya uchaguzi nchini Tanzania

9.58pm:Rais mpya wa Tanzania kujulikana leo

Tume ya uchaguzi nchini Tanzania hii leo inatarajiwa kumtangaza rais mpya wa taifa hilo hii leo.Hatua hii inajiri siku moja tu baada ya Upinzani kupinga matokeo ya uchaguzi huo kwa madai kwamba kulikuwa na udanganyifu mkubwa. Tayari tume ya uchaguzi Kisiwani Zanzibar imefutilia matokeo ya uchaguzi kisiwani humo.

Image captionMagazeti nchini Tanzania

9.33am: Yalio maagazetini nchini Tanzania.

9.30am:Marekani imelaani hatua ya tume ya uchaguzi ya Zanzibar ZEC ya kufuta matokeo ya uchaguzi wa urais pamoja na wajumbe wa bunge la wawakilishi visiwani humo.

Image captionMakamishna

9.15am:Makamishna wa tume ya uchaguzi kisiwani Zanzibar wameushtumu uamuzi wa mwenyekiti wao Jecha Salum Jecha kwa kufutilia mbali matokeo ya uchaguzi wa kisiwa hicho bila ya kuwashauri

9.00am:Tume ya uchaguzi kisiwani Zanzibar inajiandaa kutangaza tarehe mpya ya marudio ya uchaguzi huo.

Image captionKisiwani Zanzibar

6.15am:Kisiwani Zanzibar hali ni shwari. Ni asubuhi njema.

Matokeo ya uchaguzi wa urais nchini Tanzania yanaendelea kutolewa huku BBC ikiendelea kukufahamisha kuhusu matukio tofauti nchini humo. Tume ya Taifa ya Uchaguzi imetangaza matokeo ya majimbo takriban 187 na matokeo zaidi yanatarajiwa leo.

VIA-BBC.