RAIS KIKWETE ATNGAZA ONGEZEKO LA MISHAHARA KWA SEKTA YA UMMA

Rais Jakaya Kikwete amesema  serikali yake itaendelea na mikakati iliyokwisha anza ya kuboresha maslahi ya wafanyakazi  na kudhibiti  mfumuko wa bei ili nyongeza za mishahara zilete tija na kuwa na maana kwa wafanyakazi.

Mh Kikwete ameyasema hayo katika madhimisho ya siku ya wafanyakazi duniani Mei Mosi ambapo  yeye alikuwa mgeni rasmi.

Aidha katika hotuba yake Mh Kikwete ametangaza ongezeko la mshahara kwa sekta ya umma  sambamba na kupunguza  kodi  ya wafanyakazi yaani pay as you earn.

Mh Kikwete amewataka waajiri na waajiriwa kuhakisha wanafuata taratibu za kazi na kwamba vitisho  na migomo kamwe haviwezi kuleta tija katika sehemu za kazi.

Naye katibu mkuu wa shirikisho la wafanyakazi  nchini Bw Nicholas Mgaya akisoma risala  ya  wafanyakazi  amebainisha mambo mbalimbali ambayo kwa kipindi cha karibuni yamekuwa ni  kero   kwao.

Awali katika maadhimisho hayo Mh Rais alipokea maandamano ya wafanyakazi kutoka katika mashirikia na tasisi mbalimbali pamoja na kutoa zawadi na vyeti kwa wafanyakazi  bora huku veta ikitoa   mfanyakazi bora wa kitaifa