HABARI NA PICHA: VIJANA KWA MAELFU WAKISHIRIKI MATEMBEZI YA UZALENDO NA KUPOKELEWA NA RAIS KIKWETE

Vijana wazalendo wa Taifa wakiwa kwenye matembezi ya Uzalendo yalioratibiwa na Umoja wa Vijana wa CCM katika kuadhimisha miaka 50 ya Muungano ambapo vijana hao walianzia matembezi kutoka ofisi za Mkuu wa Wilaya ya Temeke mpaka kwenye viwanja vya sabasaba na kulakiwa na Rais wa Jamhuri ya Muungano wa Tanzania, Jakaya Mrisho Kikwete.

Vijana wazalendo wa Taifa wakionyesha uzalendo kwa kuonyesha skafu zao zenye jina la Tanzania

Ujumbe maalum na maridhawa katika msingi wa Muungano ulioasisiwa na waasisi wa Taifa letu ambao ni tunu ya umoja na mshikamano katika taifa letu endelevu.

Rais wa Serikali ya Mapinduzi Zanzibar Dk.Ali Mohamed Shein akizungumza na Mwenyekiti wa CCM mkoa wa Dar es salaam Ndugu Ramadhani Madabida muda mchache kabla ya kupokea matembezi ya Uzalendo yaliofanywa na vijana mbali mbali .

Mwenyekiti wa UVCCM Taifa, Ndugu Sadifa Juma Khamis akienda kukabidhi bendera ya Taifa kwa Rais wa Jamhuri wa Muungano wa Tanzania, Dk Jakaya Mrisho Kikwete .

Rais wa Jamhuri ya Muungano wa Tanzania, Jakaya Mrisho Kikwete akiwa ameshikilia picha ya Baba wa Taifa Mwalimu Julius Kambarage huku Rais wa Mapinduzi ya Zanzibar Dk.Ali Mohamed Shein akiwa ameshikilia picha ya Rais wa kwanza wa Zanzibar Sheikh Abeid Amani Karume baada ya kuzipokea kutoka kwa vijana wazalendo waliofanya matembezi ya Uzalendo.

Rais Dkt Jakaya Mrisho Kikwete akiongea na Taifa baada ya kupokea maandamano ya vijana wazalendo katika ukumbi wa PTA, Dar-es-Salaam.

Baadhi ya wananchi waliojumuika katika tukio hilo.

 Watanzania wengi hasa vijana na hata ambao ni watu wazima hawajui na hawajapata nafasi ya kujiuliza kwanini Muungano wetu una serikali mbili na siyo tatu na kwanini serikali hizo ziko jinsi zilivyo. 

Kutokana na kutojua hili wengi hufanya haraka na kusema “tuwe na serikali tatu” bila kujiuliza kama kufanya hivyo kutatua tatizo au la au kutaongeza tu tatizo. Nyerere aliwajibu wale wenye kuhoji haya kwa kuwapa historia kidogo ya mfumo wa Muungano. Kwa kutumia hoja za kimantiki na kiufundi wa maneno kuonesha kuwa Muungano wa Tanzania ndio nchi pekee katika Afrika iliyoundwa na Wananchi wenyewe.

Tanzania siyo zao la mipaka ya ukoloni au matokeo ya Mkutano wa Berlin wa 1884-1885 kama zilivyo nchi karibu zote za kiafrika. Nyerere alijenga hoja kuwa Watanzania wasiwe dhaifu kukumbatia kilichoundwa na mkoloni kuwa ni chao halafu walichounda wao wenyewe kukibeza na kujaribu kukivunja. Siyo hivyo tu, alishangaa kwanini watu waone kilichoundwa na mkoloni bila kura ya maoni ya waliotawaliwa au kwa hiari ya wananchi kuwa ni halali lakini kilichoundwa na wananchi wenyewe kwa makubaliano ya wananchi bila ya kura ya maoni kuwa ni haramu? 

CHANZO: JMF