PADRI ATAHADHARISHA NDOA ZA KISHOGA

Imeelezwa kuwa kuna hatari ya familia kwa nchi zinazoendelea ikiwamo Tanzania kufikia ukomo

 wa ustawi na furaha na pamoja na kujenga taifa lisilo na uhai wa nguvu kazi na lenye maadili 

kutokana na ndoa za jinsia moja zinazoshika kasi katika mataifa ya Ulaya na Amerika.

Padri wa Kanisa Katoliki nchini amesema kuwapo kwa mazingira hayo matokeo yake ni watu 

kukoma kuzaa watoto na kukosa familia.

Padri Angelus Shikombe alisema hayo wakati wa ibada maalumu ya siku ya Sherehe ya Familia

 iliyofanyika katika Kanisa Katoliki la Mtakatifu Bikira Maria la mjini Geita.

“Hali hiyo ikichangiwa na kivuli cha utandawazi, ndoa moja ni suala ambalo hatukubaliani nalo..kwani

 linachimbia kaburi ustawi wa familia siku zijazo nchi itakosa vijana',” alidai Padri Shikombe.


Padri Shikombe ambaye pia ni Katibu wa Askofu wa Jimbo la Geita mahubiri yake ambayo yalionekana

 kuwagusa mamia ya waumini, yalisababisha vicheko na wengine kuguna.

Alisema maadili ya Kanisa ni kwamba hakuna ukomo wa kuzaa, ingawa mataifa makubwa yamebuni

 mpango wa uzazi wa kisasa ambao unaweka ukomo ambao hata hivyo, alisema utasababisha 

athari kwa mataifa yamayoendelea.

“Ndugu zangu, mataifa makubwa sasa yanatushinikiza kuwepo na ndoa ya jinsia moja na ukomo

 wa kuzaa mtoto mmoja ni mbinu ya kutuangamiza baada ya mataifa hayo kujikuta hayana vijana

 wala nguvu kazi ya vijana, yamebakiwa na wazee na sasa yanataka nasi tuwe hivyo,” 'alisema Shikombe.
chanzo:nipashe